Америка музыканты татарча җыр язган

Җырчы Асия һәм композитор Вәсим Әхмәтшиннарның Америкада яшәүче талантлы уллары, саксафончы Эдик гаиләсе белән җәй көне Чаллыга кайтырга тиеш иде. Тик санкцияләр аркасында ул туган якларга кайта алмады. «Җәй көне Франциягә барып кайттылар. Аның каравы улыбыз иҗатын дәвам итә. Легендар җырчылар Илһам Шакиров, Әлфия Авзалова, шулай ук Бәширә Насыйрова һәм минем башкаруымдагы татар халык җырларын тыңлап, «Беренче хикәя», «Икенче хикәя» исемле ике җыр язган. Бик матур, моңлы килеп чыккан», – ди Татарстанның атказанган мәдәният хезмәткәре Асия Әхмәтшина.