Фирдүс Төркиягә китә

6 октябрьдә 18.00 сәгатьтә Татарстанның атказанган артисты Фирдүс Тямаев Төркиядә бушлай концерт куячак. Концертны «Анталья татарлары» җәмгыяте җитәкчесе Оксана Назарова оештыра.

«Урта диңгез буенда татарларның яраткан җырчысы Фирдүс Тямаев үзенең беренче концертын оештыра. Анда Төркиянең төрле төбәкләрендә яшәүчеләр – Истанбул, Бодрум, Искешәһәр, Конья һәм башка шәһәрләрендә яшәүчеләр киләчәк», – ди Оксана Назарова.

Аның әйтүенчә, концертның төп максаты – Төркиядәтатар мәдәниятен популярлаштыру һәм таныту.

«Концертка теләге булган һәркем килә ала, Фирдүс Тямаев аны бушка куя. Чакырып калабыз! Концерттан туры эфир оештырырга планлаштырабыз», – ди «Анталья татарлары» җитәкчесе.