Ришат Төхвәтуллин әтисенә: «Мужик кеше хатыны бала тапканда янында булырга тиешме?!»

Җырлы гаилә Ришат белән Алия Төхвәтуллиннар бәби көтәләр. Тиздән роддомга барасы. Шул уңайдан Ришат әтисенә кызыклы сорау биргән. 

– Әти, хәзерге хатын-кызлар бала туганда аның янәшәсендә торырга сорый. Имеш кулдан тотып, «Молодец, әйдә, әйдә», дип торырга кирәк. Элекке вакытлар булса, син хатының бала тапканда аның янында басып торырга барыр идеңме? – ди ул әтисенә.

Җырчының әтисе оялып, кызарып куя һәм көлеп җибәрә. Аннары:

– Юк инде, нишләп... – дип җавап кайтара.