Руслан Кираметдинов: «Үзгәрдем»

Бүген татар эстрадасының моңлы җырчыларының берсе Руслан Кираметдинов Чаллыда үзенең өр яңа программасын күрсәтә. Аңа «Үзгәрдем» дип исем куйганнар.

– Белүегезчә, мин үземнең имиджымны да, программамны да, тормышка карашымны да үзгәрттем.  Яңа программага  сценарийны тәҗрибәле кешеләр язды. Артистларны стилиcтлар киендерә. Мин «Кем гаепле?» дигән серле сорауга җавап бирәчәкмен, – диде ул. – Моннан тыш, концертта видеода абыйны, әтиемне  тамашачыларга күрсәтәм. Алар кешегә күренергә яратмыйлар, тыйнаклар, әмма видеога төшәргә ризалаштылар инде.  

Чаллы тамашачысы Русланны яратуын тагын бер кат дәлилләде. Билетлар сатылып беткән. 

Җырчы яңа программасын яңа елда тагын күрсәтәчәк. Өстәмә концертка билетлар сатуга чыккан инде.