Алмагачка кайчан су сибәргә?

– Беренче тапкыр алмагачка алмалары урман чикләвеге кадәр булгач мул итеп (бер агачка кимендә 15 чиләк) су сибәргә кирәк. Шул ук вакытта агачны микроэлементлар белән тукландыралар. Аннан август уртасында агачларның тамыр системасы үсә башлый, бу вакытта аны тагын бер кат суга туендыралар, калий һәм фосфорлы ашлама кертәләр. Уңышын җыйганнан соң да, аннан соң көзен дә алмагачка су сибәргә кирәк. Агач кышка дымга туенып керергә тиеш, югыйсә ул суыкка бирешәчәк.