Автокалада өлкәнннәр ункөнлегенә багышланган чаралар дәвам итә.
Чаллының «Уенчык» балалар бакчасына йөрүчеләр өлкәннәр ункөнлегендә «Гаилә» милли проекты максатларына туры китереп, матур чарада катнаштылар. Бу проект традицион рухи-әхлакый кыйммәтләрне саклауга юнәлтелгән. Милли проектның иң мөһим юнәлешләренең берсе: киләчәк буынны шәфкатьлелек, өлкәннәргә хөрмәт һәм буыннар дәвамлылыгы рухында тәрбияләү.
Моны картлар йортына әти-әниләре белән килгән малайлар һәм кызлар чыгышларында күрсәттеләр. Бу көнне картлар йортында (интернат-йорт) аеруча җылы мохит иде. Нәни артистлар әби-бабайлар өчен дәртле җырлар җырладылар, биеделәр, шигырьләр сөйләделәр.
Педагоглар әти-әниләр белән берлектә биредә яшәүчеләргә бүләкләр дә әзерләделәр. Өлкәннәргә хуҗалык товарлары, шулай ук татлы күчтәнәчләр: җиләк-җимешләр, өй пәрәмәчләре, печенье һәм конфетлар тапшырдылар.
Фотолар шәһәр хакимиятеннән алынды.
Нет комментариев