Гәрчич ник кирәк?

Гәрчич –әвернәчәчәклеләр семьялыгыннан берьеллык үсемлек. Ул җирне органик мтдәләргә, азот, микроэлементларга баета, туфракны көпшәкләндерә, гөмбәчекләр һәм зарарлы бактерияләр үсешен тоткарлый, чүп үләннәрен кысрыклый. 

Гәрчич 15-20 см үсүгә, чабып, җирен казырга кирәк. Үсемлек сабаклары шунда туфрак белән күмелә, анда чери, ашлама була. Көз азагына кадәр үсеп җитәргә өлгермәсә, шул килеш калдырырга да ярый, язга кадәр ул таркалып бетәчәк. 

Чәчү өчен 1 кв. м га 1 десерт кашыгы (4-5 гр) орлык кирәк. Җирне казып тырмаларга һәм орлыкларны тигез итеп чәчәргә кирәк. Өстенә туфрак сибеп яки тырма белән тигезләп күмәргә. 

Фото: moefermerstvo.ru