Кишер нигә ярыла?
Ел саен кишердән яхшы уңыш алабыз. Әмма нигәдер кайберләре ярыла? Моның сәбәбе нидә икән? – дигән сорау белән мөрәҗәгать иттеләр безгә.
– Гадәттә, кишернең ярылуы суны тиешенчә сипмәүдән була. Су сипкәндә, ул актив үсә башлый, туфракта дым җитмәсә, үсүдән туктый. Кишер корылыкка чагыштырмача түзем. Шулай да, дым җитешмәгәндә, ул начаррак үсә, катылана. Аеруча су сибү белән суга туендыру арасында аерма зур булу зыянлы. Сусызланган күзәнәкләр актив рәвештә запаска дым туплый башлый, күзәнәкләр тышчасы акрын үсә һәм әлеге процесс артыннан җитешә алмый. Нәтиҗәдә кишер ярыла. Кишергә суны бик еш сипмәгез. Әмма сипкән вакытта суга туендырырга кирәк. Төбен мәлчәләү дымны сакларга ярдәм итә.
Фото: srokigodnosti.ru
Следите за самым важным и интересным в Telegram-каналеТатмедиа
Нет комментариев