Помидор орлыгын кайчан чәчсәң яхшырак?

Ачык туфракка күчереп утыртасы булганда, томат орлыгын март уртасы һәм азагында чәчәргә кирәк. Җылы һәм яктыртылган теплицага күчерергә җыенсагыз, иртәрәк чәчегез.

Баклажанны шулай ук март уртасында чәчәләр.

Борыч соңрак өлгерә торган культура, шуңа күрә ачык грунтка утыртасы булганда, март башында ук чәчү кулай, ә җылы һәм яктыртылган теплицага күчрергә җыенсагыз, февраль уртасыннан да соңга калмагыз.

Күпләр хәзер кыярны да өйдә үстереп күчерәләр. Аның орлыгын апрель ахырында төртсәгез дә җитешерсез.

Иртә өлгерә торган кәбестә орлыгын март уртасында чәчү отышлы. Уртача өлгерешлесен – апрель азагында, соң өлгерешлесен - апрель уртасында.