Айфоннар урлап баемакчы булган

21 яшьлек бер йөк ташучы айфонның соңгы моделен эре партиядә Чаллыга кайтара. Ябыштырылган тартмалардан үзенә 12 айфонны алып кала. Аларны ламбардка тапшырып, акчасын букмер конторасына салмакчы була.  Ләкин товарны кабул итүчеләр аның хыялын тормышка ашырырга ирек бирмиләр. Урланган товар турында полициягә хәбәр итәләр. Шулай итеп, җиңел генә баемакчы булган шофер 628 мең сумлык бурычка бата. Аңа карата урлау маддәсе буенча җинаять эше кузгатыла. Әлегә аңа шәһәрдән чыгарга ярамый.