Чаллы аттракционнары өчен яңача түләп була

Карусельләргә билетлар алганда хәзер кассага чират торасы юк. Парк җитәкчелеге махсус карталар булдырды. Аңа акча салып, теге яисә бу аттракцион өчен түләргә була. Картаны телефонда «Парки аттракционов Челны» кушымтасын урнаштырып, тулыландырырга мөмкин. Шулай ук касса операторлары да акча күчерә ала. Тотылып бетмәгән акча югалмый, аны кыш айларында шугалакка килеп тә кулланырга мөмкин. 

Исегезгә төшерәбез, Җиңү паркы һәм ГЭС бистәсендәге Мәдәният һәм ял паркы аттракционнары 1 майда эшли башлады.