Иртәгә, 13 июльдә, Татарстанда эссе, әмма тотрыксыз һава торышы саклана.
Республикада алмашынучан болытлы һава торышы көтелә. Төнлә явым-төшем ихтималы аз, көндез төбәктә, шулай ук Казанда да кыска вакытлы яңгыр һәм яшен фаразлана. Көндез урыны белән боз яварга мөмкин. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.
Моннан тыш, җил көньяк-көнчыгыштан уртача тизлектә исәчәк. Кайвакытта ул секундына 17-22 метрга кадәр көчәя.
Татарстанда төнлә һава температурасы +16..+21 градус фаразлана. Көндез һава температурасы +29..+34 градуска кадәр күтәрелә.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев