Бәйрәм көннәре сәбәпле пенсия акчасын бирү көне үзгәрмиме?

«Россия почтасы» бүлекчәләренең эш графигына үзгәрешләр кертелә. 22 февральдә һәм 7 мартта аларның эш көне бер сәгатькә кыскара. 23 февральдә һәм 8 мартта бүлекчәләр бөтенләй эшләмәячәк. 

Шулай ук әлеге бәйрәм көннәрендә хат ташучылар почта аша җибәрелгән әйберләрне һәм вакытлы матбугат басмаларын да таратмаячак. Шул ук вакытта пенсияләр һәм пособиеләр, конкрет төбәкләрнең үзенчәлекләрен исәпкә алып, Россия Социаль фондының төбәк бүлекләре белән килештерелгән график буенча китереләчәк.

24 февральдә «Россия Почтасы» бүлекчәләре якшәмбе графигы буенча эшләячәк, ә 25 февральдә һәм 9 мартта гадәттәгечә хезмәт күрсәтә башлыйлар.