Бу хәл кичә кич Тукай районы Калиновка авылы янында булган.
Балыкчы уала торган боз өстенә балык тотарга кергән булган. Ләкин исән-сау өенә кайта алмаган. Коткаручылар аның мәетен ярдан 6 километр ераклыктагы әрәмәлектән тапканнар.
Мәрхүмгә 70 яшь тирәсе. Аны моргка билгесез кеше итеп китергәннәр. Шәхесен полиция хезмәткәрләре ачыклаячак.
Үлемнең сәбәбе: боз өстенә чыгу кагыйдәләрен үтәмәү.
Татарстанда тәүлек буена 10 коткару посты эшли. Алар Чаллы, Казан, Яшел Үзән, Лаеш, Ташкирмән, Заовражный Каратай, Алексеевскийда, Красный Ключта, Чистайда һәм Мәлкәндә урнашкан.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев