Банк картасын урлаган ханымны төрмәгә утыртырга мөмкиннәр

Чаллы полиция хезмәткәрләре 50 яшьлек хатын-кызны кулга алды. Ул кеше картасын урлап, куллануда гаепләнә. Хокук сакчылары әйтүенчә, ул төрле кибетләрдән 7 мең сумлык кирәк-яраклар сатып ала. Картаның караклар кулына эләккәнен 24 яшьлек хуҗасы СМС-хәбәрләр килә башлагач кына белә. Банк картасын ничек югалтканын ул исенә төшерә алмый. 

Карта акчаларын үзләштергән хатын-кызга 6 елга кадәр ирегеннән мәхрүм ителү яный.