Чаллы фатирларына нинди очракта җылылык бирелә?

"Урамда салкын. Яңгырлар китте. Ял көннәрендә хәтта беренче кар явачак дип фаразлыйлар. Фатирларыбызда оекбашлардан йөрибез! Фатирлар кайчан җылыначак?" - дип зарлана шәһәрдәшләр социаль челтәрләрдә.

Шәһәр башкарма комитеты карары буенча җылылык иң беренче чиратта социаль объектларга җибәрелә. Иң ахырда - йортларга. Урамда һава температурасы 5 көн рәттән +8 торса, фатирлар торбаларына да кайнар су җибәреләчәк. Идарә итү компанияләре әзер тора, дип белдерде башкарма комитет җитәкчелеге.