Чаллы пенсионеры оныгын коткарам дип, бар җыйган акчасын биргән

Чаллыда 88 яшьлек бер әбине мошенниклар алдый. Гадәткә кергән схема буенча аңа: “Оныгыгыз авариягә юлыкты, аны коткарыр өчен билгеле бер күләмдә акча кирәк”, - дип шалтыраталар. ГЭС бистәсендә яшәүче пенсионер мошенникларга ышанып, адресын әйтә. Көндезге икедә фатирына килгән курьерга өендә саклаган 800 мең сумын биреп җибәрә. 

Әлеге очрак буенча җинаять эше кузгатылды. Кызганычка каршы әби акча алырга килгән егетнең йөзен исендә калдырмаган.