Чаллы шифаханәсендә - яңа җитәкче

Чаллының 6нчы шифаханәсендә җитәкче алышынды. 2009 елдан дәвалау учреждениесе белән идарә иткән баш табиб Нияз Мөҗәхитов эш урыныннан китте. Аның вазыйфаларын хәзер Светлана Емекеева башкарачак. Бу урынга аны рәсми рәвештә узган атнада билгеләделәр. 

Светлана Емекеева сәламәтлек саклау өлкәсендә инде күптәннән эшли. 2013 елда ул берничә ай дәвамында Кама балалар медицина үзәгендә дә җитәкчелек алышынган чорда вакытлыча баш табиб булып торган иде.