Хәтер язмаларын Мәскәүгә барып та күреп булачак.
Мәскәүдә урнашкан Җиңү музее чаллылыларны “Җиңү йөзләре” проектында катнашырга чакыра. Әлеге чара Бөек Ватан сугышында катнашкан солдатларыбызның батырлыгын буыннан-буынга җиткерү, саклап калу максатыннан оештырыла.
“Проектта катнашу өчен якын кешегезнең биографиясен язып, булган очракта фотосын теркәп, махсус сайтка https://historydepositarium.ru кертергә кирәк. Теләге булганнар бу эштә ярдәм сорап, күп функцияле үзәкләргә дә мөрәҗәгать итә ала. Мәгълүматлар тикшерелгәннән соң Җиңү Музее интернет мәйданчыгында урын алачак”, - ди белгечләр.
Шулай ук хәтер язмалары Мәскәүнең Җиңү музеендагы мультимедияле экспозициягә дә урнаштырылачак. Аларны теләге булган һәркем илебез башкаласына барып күрә алачак. Әлеге илкүләм проектта һәркем катнаша ала.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев