Чаллыда яңа җитәкче куелды

Чаллы мэры Наил Мәһдиев дүшәмбе киңәшмәсендә физкультура һәм спорт идарәсе башлыгын тәкъдим итте. Бу вазифага Илья Резников билгеләнде.
Илья Резников 1987 елда Чаллыда туып-үскән. Озак еллар спорт өлкәсендә эшләгән. Хезмәт юлын инженер булып башлап җибәргән. Аннары «Заря», «Төзүче» балалар спорт мәктәбендә һәм «Челны» спорт мәктәбендә директор урынбасары булып эшләгән. 

– Һөнәри белеме бар, эшкә әзерлеге җитәрлек. Кызыклы эштә Илья Владимировичка уңышлар телибез. Чаллы машина төзүчеләр шәһәре генә түгел, спорт шәһәре дә. Бездә спортның төрле төрләре буенча олимпия чемпионнары бар, – диде Чаллы мэры Наил Мәһдиев яңа җитәкчене тәкъдим иткәндә. 

Татарстанда «Яшьләр һәм балалар» илкүләм проекты тормышка ашырыла.

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).