Чаллыда иң гүзәл туташны сайлаячаклар

1 октябрьдә Чаллының “Кызыл Тау” мәдәният үзәгендә “Чаллы миссы – 2022” бәйгесенә сайлап алу туры үтәчәк. Анда буйлары 170 см-дан ким булмаган 14-23 яшьлек кызлар катнаша ала. Аларның тышкы кыяфәтен генә түгел, акыл, юмор осталыгын һәм иҗади сәләтләрен дә бәяләячәкләр. Иң яхшылар бәйгенең финал өлешендә катнашу хокукына ия булачак. Ул 26 октябрьдә “Энергетик” мәдәният сараенда үтәчәк. Җиңүче “Татарстан миссы – 2023” бәйгесендә катнашу хокукына ия булачак.