Опрессовка шәһәрдә берничә этапта уза.
11 майдан җылылык челтәрләрен гидравлик сынаулар башланды. Предприятие хезмәткәрләре барлыгы 734 км-га якын челтәрне тыгызлык һәм ныклык буенча тикшерәчәк. Шәһәрнең иске өлешендә опрессовкалау – 2, яңа шәһәрдә 4 этапта башкарыла.
Норматив буенча халык кайнар сусыз 14 көннән артык тормаска тиеш. «Без гадәттә гидравлик сынау башланганның 2-3 көнендә шәһәрдәшләргә кайнар су бирә башлыйбыз. Шулай да вакытлыча уңайсызлыклар өчен шәһәрдәшләрдән гафу үтенәбез», – диде "Татэнерго" АҖ филиалы «Яр Чаллы җылылык челтәрләре» предприятиесе директоры Айрат Зәйнуллин.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев