Чаллыда каз ярминкәләре

21-22 декабрьдә  Чаллыда ике урында: ипподромда һәм ГЭС бистәсенең «Төзүче» стадионы каршындагы мәйданда «Яңа ел казы» дип исемләнгән ярминкәләр була.

Авыл хуҗалыгы уңганнары исә элеккечә шимбә көнне өч урында (ипподром, «Төзүче» стадионы каршындагы мәйдан, «Южный» агросәнәгать паркында) сәүдә итәләр.

Сүз уңаеннан, узган атнада авыл хуҗалыгы ярминкәләрендә 27 млн сумлык товар сатылды. 12 муниципаль районнан барлыгы 459 тоннадан артык азык-төлек китерелгән иде. 

Шәһәрдәшләр сыер, күркә, каз-үрдәк, йомырка, сөт ризыкларын күпләп алдылар.