Чаллыда күренекле табиб һәлак булган

Шәһәрнең сәламәтлек саклау өлкәсе зур югалту кичерә. Озак еллар 5нче шәһәр хастаханәсе гинеколог-хирургы Таһир Закиров эшкә барганда юл-транспорт һәлакәтенә эләгә. Ашыгыч ярдәм хезмәте аны БСМПга алып китә. Комга китә. Табибларның тырышуына карамастан, кичә кич реанимациядә вафат була.

Ул хезмәт юлын 1985 елда башлый. 5нче шәһәр хастаханәсендә ашыгыч медицина ярдәме күрсәтү бүлегендә акушер-гинеколог булып 30 ел эшли. Үзенең 47 ел гомерен сәламәтлек саклауга багышлый. 

«Олы җанлы табиб. Үз эшенең остасы иде. Ул бик күп кешегә ярдәм итте. Урыны җәннәттә булсын», –  диләр аның турында хезмәттәшләре.

Мәрхүмне соңгы юлга озату бүген 13 сәгатьтә «Тәүбә» мәчете янында була.