Чаллыда мәет яндыру бинасы төзергә уйлыйлар

Чаллыда иҗтимагый тыңлаулар узды. Залда алма төшәр урын юк иде. Депутатлар, эшмәкәрләр, архитекторлар, шәһәр активистлары... 200дән артык кеше җыелды. Биредә Чаллының яңа генераль планы белән таныштырдылар. Йортлар төзелешен арттыру, шәһәрне яшелләндерү, транспорт системасын үзгәртү һәм башка шундый башкарылачак эшләр турында сөйләделәр. Хәтта үлгән кешене җирләү турында да сүз алып барылды. Чаллыда крематорий, ягъни мәет яндыру бинасы төзергә планлаштыралар. Проект буенча ул шәһәрнең яңа зираты янында урнашачак.
- Крематорий өчен зур территория кирәкми. Берәр участокта бина төзеләчәк. Моның өчен яңа зират проектын булдырырга кирәк, - дип сөйләде ТР атказанган архитекторы Александр Дембич.

Тагы да кызыклырак яңалыклар - "Шәһри Чаллы" газетасының Телеграмм каналында