Чаллыда – роликларда бии торган дискотека

Әлеге чара 24 августта Чаллы шәһәренең Азатлык мәйданында фонтан янында була. «Кояш баеганда музыка» (0+) дип исемләнгән музыкаль кичәдә 
DJ Becks, DJ Bilyalov, DJ Arjuna катнашачак. Өч сәгатьлек программа кичке 19 сәгатьтә башланып 22 сәгатьтә тәмамлана. 
Әлеге проект авторы, кичәне оештыручы Динар Билалов теләге булган һәркемгә биюдә әйләнү өчен роликлы тимераяклар алып килергә киңәш итте. Музыка астында рәхәтләнеп бию өчен махсус урын булачак. 

Фото ачык чыганаклардан алынды.