Чаллыда узган ел өчен НДФЛ (физик затлар керемнәренә салым) буенча түләүләр 1,5 млрд-ка арткан. Узган ел шәһәр бюджетына 7 млрд-тан артык акча кергән. План 148%ка арттырып үтәлгән. 

«Оешма-предприятиеләрдә хезмәт хакы уртача 27% ка артты. 4280 яңа эш урыны барлыкка килде. 1 млрд 261 млн сумлык дивидендлар түләнде. Шул сәбәпле физик затлар керемнәренә салым артуына ирештек», – дип белдерде финанслар идарәсе башлыгы Светлана Мөлекова.

Салым керемнәренең 75%ын НДФЛ тәшкил итә.

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).