Чаллыдагы 14 катлы йортта күңелсез вакыйга булды

Чаллыда 25 майда 17 комплекстагы 14 катлы йорттан бер кеше килеп егылып төшә. Моны йорт яныннан үтеп баручы шаһитлар күреп ала. Урынга алар тиз арада ашыгыч медицина ярдәмен һәм хокук сакчыларын чакырта. 

Мәгълүм булганча, ир-ат кибет түбәсенә төшә. Аны коткаручылар менеп алып, табибларга тапшыра. Хәзерге вакытта ул Ашыгыч медицина ярдәме күрсәтү хастаханәсенең травмотология бүлегендә  (БСМП)  дәвалана. 

Хастаханәнең матбугат хезмәте белгечләре сүзләренә караганда, аның 11 каттан егылып төшүе әле берничек тә расланмаган. Бу ир-атның үз сүзләре генә. “Шул кадәр биеклектән егылып, балтыры гына сыну шик уята», - ди белгечләр.