Чаллының иң яхшы мәктәпләре билгеле

Чаллыда ОГЭ һәм ЕГЭ нәтиҗәләре буенча иң яхшы мәктәпләр рейтингын төзеделәр. 249 мәктәп арасыннан иң яхшылары дип 20се табылды. Исемлектә 2, 26, 29, 61, 76, 77 гимназияләр, 79 лицей-интернат, 36, 78, 84 лицей, 5, 10, 21, 30, 39, 41, 51, 52, 56, 58нче мәктәпләр. 

Мәгарифтәге уңышлары өчен 26нчы гимназия һәм 56нчы мәктәп җитәкчеләренә – 1 млн сум, «Шатлык» балалар бакчасына һәм 15нче балалар иҗат йортына 500әр мең сум акча тапшырылды. 

«Башкарган эшләрегез – сезнең зур казанышыгыз. Узган уку елы нәтиҗәләре буенча югары нәтиҗәләргә ирештек. 72 укучы ЕГЭда 100шәр балл җыйды. Алар – сезнең укучыларыгыз. Узган ел аларның саны 27 иде», – диде мэр Наил Мәһдиев.