Чаллының Тукай яр буенда ике бассейн барлыкка киләчәк

Чаллының Тукай яр буен  төзекләндерү эшләре дәвам итә. Тиздән биредә ике бассейн (балалар һәм зурлар) барлыкка килә. Бүгенге көндә яр буе территориясен төзелеш эшләре өчен әзерлиләр.

Бассейннарны яр буен төзекләндерү эшләренең икенче этабы кысаларында төзиләр. Пирс янындагы бассейннар тирәсендә юыну урыннары һәм тагын бер кафе булачак. 

Яңа шәһәрдә быел Urman комлыгы ачылган иде. Киләсе елда бу комлык янында, елгада глэмпинг төзү планлаштырыла.