Шəhри Чаллы

Чаллы сәүдә-технология институты техникумга әйләнде

Белем бирү йортында 2019 елның сентябрендә җыелачак укучылар саны кимемәячәк, дип ышандыралар.

Чаллы сәүдә-технология институты техникумга әйләнде. Агымдагы елның 28 мартында Татарстан Республикасы Премьер-министры Алексей Песошин тиешле карарга кул куйды.
Мәгариф учреждениесе администрациясе хәбәр иткәнчә, күчү Дәүләт аттестациясен узу һәм дәүләт үрнәгендәге дипломнарны билгеләнгән срокларда бирү регламентын үтәү зарурлыгына бәйле.
Белем бирү йортында яңа уку елында җыелачак укучылар саны кимемәячәк, дип ышандыралар.
«Без инде югары белемле белгечләрне укыту төркемнәрен җыймый идек. Шуңа күрә, асылда, бернәрсә дә үзгәрмәячәк», - дип хәбәр итте «Татар-информ»га институт ректоры вазифаларын башкаручы Андрей Валушевич.
Чаллы сәүдә-технология институты 1972 елда Сәүдә-кулинария училищесы нигезендә булдырылган. Уку йорты әле көллияткә, әле лицейга әверелеп, статусын берничә тапкыр үзгәртә. Институт статусын 2007 елда алган була.

 

 https://tatar-inform.tatar/news/2019/04/01/183710/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: