Юл һәлакәте кичә кичке уннар тирәсендә Чаллы – «Искра» бакчачылык җәмгыяте трассасында булган.
Hyundai автомобилен исерек хәлдә идарә иткән 53 яшьлек Удмуртия кешесе, идарәсен югалтып, юл читенә төшеп киткән һәм әйләнеп капланган. Бу хактагы мәгълүматны «Татар-информ» агентлыгына Автокаладагы үз хәбәрчесе җиткерде.
«Машина йөртүче төрле тән җәрәхәтләре алган. Ул Чаллы ашыгыч медицина ярдәме хастаханәсенә озатылды», - дип хәбәр итте Эчке эшләр министрлыгының Тукай районы буенча ЮХИДИ бүлеге башлыгы Шамил Ганиев.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев