Чаллы юлларына тавыш чыгаргыч полосалар ясыйлар

Чаллы урамнарына, юл һәлакәтләрен кисәтү максатыннан, тавыш чыгаргыч махсус полосалар ясаячаклар. Аларның өслегеннән үткәндә транспорт чарасы дерелди башлаячак. “Шул рәвешле машина йөртүче үзен проблемалы участоктан барганын аңлап, игътибарлырак булачак”, - ди ЮХИДИ инспекторлары. Аларның сүзләренә караганда машинага бернинди дә зыян килмәячәк. 
Быел мондый полосаларны Тынычлык һәм Автозавод, Чулман һәм Хәсән Туфан проспектлары киселешләрендә, Әлмәт тракты һәм Пединститут янындагы юлларга куячаклар.