Чаллы журналистлары җыены

Оешма үзенең отчет-сайлау җыелышын уздырды. Бүлекнең җитәкчесе Рахман Шәфигуллин журналист коллегалары алдында исәп-хисап тотты: башкарылган эшләргә тукталды, хәзерге катлаулы заманда журналист һөнәренең гаять авыр һәм кирәкле булуын ассызыклады.

Чаллы журналистлары бүлекчәгә яңа җитәкче сайлап куйдылар. ТР Журналистлар һәм Язучылар берлекләре әгъзасы Мирһади Разов бертавыштан оешманың җитәкчесе итеп сайланды.

Соңыннан ТР Журналистлар берлегенең чираттагы корылтаена унбер делегат сайланды.