Чаллыда КАМАЗ автомобильләренә багышланган макетлар конкурсы оештырылды
15 нче балалар иҗат йорты «КАМАЗ автомобиле белән горурланырлык урын бар!» макетлар конкурсы үткәрә.
Кабинетлар легендар автомобильнең кечкенә, кабатланмас күчермәләре белән тулган. Бүгенге көндә конкурсны оештыру комитеты 100гә якын эш кабул иткән.
Катнашучылар нинди генә КАМАЗ уйлап тапмаган: катыргы, агач һәм хәтта тозлы камырдан ясалган автомобильләр дә бар. 5 нче балалар техник иҗаты үзәге укучылары тарафыннан башкарылган модель, аеруча игътибарны җәлеп итә. Балалар конкурска бетон болгатучы КАМАЗ макетын тәкъдим иттеләр. Әлеге мини-күчермәнең үзенчәлеге шунда, бетон болгаткыч әйләнеп тора. Конкурс эшләре арасында тулысынча тәм-томнардан эшләнгән модель дә бар. Тиздән конкурска йомгак ясалачак.
Следите за самым важным и интересным в Telegram-каналеТатмедиа
Нет комментариев