Чаллыдан диңгезгә ял итәргә киткән гаилә коточкыч авариягә очраган

Бүген Чаллыдан диңгезгә ял итәргә дип, «Лада» машинасында юлга кузгалган гаилә, коточкыч юл-транспорт һәлакәтенә эләгә. Фаҗига Түбән Кама - Чистай юлында, Ширәмәт авылы янында килеп чыга. Шаһитлар сүзләренчә, безнең ил машинасы Mitsubishi белән бәрелешә. Нәтиҗәдә, «Лада»дагы 3 яшьлек бер баланың гомере өзелә, дүрт кеше төрле дәрәҗәдә тән җәрәһәтләре ала. Имгәнүчеләрнең тагын берсе 7 яшьлек бала булуы билгеле.

Хәзер әлеге юл-транспорт һәлакәтенең нечкәлекләре ачыклана. Урынга Түбән Кама прокуроры килүе дә хәбәр ителә. 

ТР прокуратурасы фотолары