Чемпионатта Россия җыелмасы матчлары көннәрен ял көне дип игълан итәргә мөмкиннәр

автор, 5 июнь 2018 - 15:02

951

Дәүләт Думасы вице-спикеры, Россия футбол союзы башкарма комитеты әгъзасы Игорь Лебедев Чемпионатта Россия җыелмасы матчлары көннәрен ял көне итәргә дигән тәкъдим белән чыкты.

Чемпионатта Россия җыелмасы матчлары көннәрен ял көне дип игълан итәргә мөмкиннәр

«Футбол буенча Дөнья чемпионаты – әлеге зур вакыйга спорт ягыннан гына түгел, сәяси яктан да әһәмиятле. Ул Россиядә беренче тапкыр уздырыла. Дәүләт Думасының хезмәт буенча комитетына Россия җыелмасы уйнаган көннәрне ял көне итү мәсъәләсен карарга дип мөрәҗәгать итәбез», — дип язып куйган Лебедев Твиттерда.

Россия җыелмасы 14 июнь көнне — Согуд Гарәбстаны, 19 июньдә — Мисыр, 25 июнь көнне Уругвай командалары белән уйнаячак.