Эшмәкәрләргә ярдәм итәчәкләр

Зыян күрүчеләр «Эшләмәгән көннәргә грант»ка («Грант на нерабочие дни») дәгъва итә ала. Ул 12 792 сум. Әлеге сан 2021 елның 1 июленә булган предприятие хезмәткәрләре санына тапкырлана. Грантлар өчен салымнар да исәпләнми. Гаризаны салым органына агымдагы елның 15 декабренә кадәр тапшырырга кирәк. Бүгенге көндә 876 гариза бирелгән инде.
Зыян күрүчеләр арасында кунакханә бизнесы, кинотеатрлар, зоопарклар, туристик агентлыклар, спорт, күңел ачу өлкәләре һәм башкалар бар.
Шулай ук эшмәкәрләр өчен 3 процент ташламалы кредит, кредитларны реструктуризацияләү, ягъни гамәлдәге банк килешүе шартларын үзгәртү, «Моногород», «Перезагрузка», «Однопроцентный» микрозаймнары гамәлдә.
Агымдагы елның тугыз ае эчендә кече һәм урта эшмәкәрлек субъектларына 6,3 млрд сумлык ярдәм күрсәтелде.
Эшмәкәрләр өчен кайнар линия телефоннары: +7 (843) 524-90-90.
Чаллыдагы региональ вәкиле: +7 (967) 461-11-04.