Эшсезләр саны 205 кешегә кимегән

Узган атнада Яр Чаллыда эшсезләр саны 205 кешегә кимегән. Хәзер шәһәрдә андыйлар 11 972. Эшсезлек минуска узган атнада китте – бу берничә ай эчендә беренче тапкыр булды.

1 сентябрьдән эшсезләргә «коронакризиска каршы» түләүләр туктатыла: 18 яшькә кадәрге балалар өчен 3 мең сум, 2020 елның 1 мартыннан соң эштән азат ителгән гражданнар өчен 12 130 сум пособие. Шулай ук эшсезлек буенча минималь пособие күләме дә үзгәрә: май-август айларында ул 4,5 мең сум булса, хәзер 1,5 мең сум. Бу хакта бүген Автошәһәрнең мәшгульлек үзәге хәбәр итте.