Шəhри Чаллы

Фахишәлек белән шөгыльләнергә мәҗбүр иткән төркем әгъзаларын хөкем итәләр

Кызларны фахишәлек белән шөгыльләнергә мәҗбүр иткән оештырылган җинаятьчел төркемдә катнашучыларга карата җинаять эше Татарстан Югары судына тапшырылган. Бу хакта ТР прокуратурасы матбугат хезмәте хәбәр итә. Ведомство мәгълүматларына караганда, җинаять җаваплылыгына 6 кеше тартылган: 42 яшьлек Артур Эбель, 37 яшьлек Ирек Нәбиуллин, 40 яшьлек Елена Казакова, 34 яшьлек Артем Зюлин, 34...

Кызларны фахишәлек белән шөгыльләнергә мәҗбүр иткән оештырылган җинаятьчел төркемдә катнашучыларга карата җинаять эше Татарстан Югары судына тапшырылган. Бу хакта ТР прокуратурасы матбугат хезмәте хәбәр итә.

Ведомство мәгълүматларына караганда, җинаять җаваплылыгына 6 кеше тартылган: 42 яшьлек Артур Эбель, 37 яшьлек Ирек Нәбиуллин, 40 яшьлек Елена Казакова, 34 яшьлек Артем Зюлин, 34 яшьлек Альберт Вәлиуллин һәм 32 яшьлек Максим Фадеев. Җинаять эшләүдә рольләре һәм катнашу дәрәҗәләренә карамастан, алар фахишәлек белән шөгыльләнүне оештыру, фахишәлек белән шөгыльләнү өчен җәлеп итү, кеше урлау, көчләү, сексуаль характердагы көч куллану гамәлләре, көмәнле хатын-кызны урлау һәм үз-үзенә кул салуга җиткерүдә гаепләнәләр.

Тикшерү мәгълүматлары буенча, 2006-2009 елларда А.Эбель һәм җинаятьчел төркемнең башка әгъзалары зур хезмәт хакы вәгъдә итеп, күрше төбәкләрдән кызларны фахишәлек белән шөгыльләнүгә җәлеп иткәннәр. Физик көч кулланып һәм янап, алардан сексуаль хезмәтләр күрсәтүләрен дәвам итүне таләп иткәннәр.

Моннан тыш, фахишәлек белән шөгыльләнүне туктату мөмкинлеге өчен, шулай ук көч куллану белән янап, җинаятьчеләр кызлардан акча алганнар һәм бурычлары турында расписка ясарга мәҗбүр иткәннәр.

2006 һәм 2008 елларда оештырылган төркем әгъзалары ике кызны урлаганнар, фахишәлекне дәвам итәргә мәҗбүр итү максатыннан, аларны озак вакыт гаражда тотканнар. Моннан тыш, зыян күрүчеләрне көчләгәннәр, нәтиҗәдә, кызларның берсе үз-үзенә кул салмакчы булган.

Бу чорда фахишәлек белән шөгыльләнүгә дүрт кыз җәлеп ителгән, шул исәптән - балигъ булмаган бер кыз.

Бу затлар гаепләрен танымаган, алар барысы да сак астында.

Җинаятьчел төркемгә башка затлар да кергән. Аларның кайберләре хөкем ителгән.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: