Фидан Гафаровның гаиләсендә зур кайгы

Уфада Россиянең, Башкортостанның һәм Татарстанның халык артисы Фидан Гафаровның хәләл җефете Фәридә Хәбибулла кызы Гафарова вафат булган. «Башинформ» агентлыгы хәбәр итүенчә, быел аларның гаилә коруларына 55 ел булган. 

"Алар бик матур гомер кичерде, ике балага гомер бирде. Фәридә ханым ягымлы, сабыр, изге, киң күңелле хатын булды. Урыны - җәннәттә, рухы шат булсын!", - ди аны белүчеләр.

«Шәһри Чаллы» газетасы Фидан Гафаровның, аның якыннарының һәм туганнарын тирән кайгысын уртаклаша. Әлеге авыр көннәрдә күркәм сабырлыклар тели. 

фото: гаилә архивыннан