Ничә градус салкында дәрескә бармаска мөмкин?

Синоптиклар: «Иртәгәдән республикага чатнама суыклар килә», – дип фаразлый. Гадәттән тыш хәлләр министрлыгы да кисәтү игълан итте. 

Татарстан Мәгариф һәм фән министрлыгы, шуны истә тотып, ничә градуста мәктәптә дәресләрнең кичектерергә мөмкинлеген аңлатты.

Авыл мәктәпләрендә башлангыч сыйныфларда укучыларга температура -23 градуска кадәр төшкән очракта мәктәпкә бармаска ярый. Ә шәһәр мәктәпләрендә – башлангыч сыйныфларда һәм авыл мәктәпләрендә – 5-9 сыйныфларда укучылар -25 градус суыкта дәрес калдыра алалар. 

Термометрның терекөмеш баганасы -27 градуска кадәр төшсә, шәһәр мәктәпләренең 5-9 сыйныфында укучылар да өйләрендә кала.

-30 градуска кадәр суытканда авыл мәктәпләренең 10-11 сыйныф укучылары да дәресләрдән азат ителә. Шәһәр мәктәпләрендә исә өлкән сыйныф укучылары -32 градус суыкта гына мәктәпкә бармый кала ала.