Ялларда һава торышы нинди булачак?

Гидрометеорология үзәге белгечләре республикада яңгырлар фаразлый. 5 апрельда төньяк-көнбатыш районнарда җепшек кар явачак. Көндез 10 градус җылы булса, төнлә +1 градус кына.  

6 апрельдә алмашынучан болытлы һава торышы көтелә. Шулай ук яңгыр, кар явачак. Көндез +2..+7 градус, төнлә - 5 градуска кадәр төшәчәк. Юлларда бозлавык барлыкка килергә мөмкин, дип кисәтә синоптиклар. 

7 апрель явым-төшемнәр көтелми. Көндез +4..+11, төнлә +1..-4 градус.