Коляскалы Резеда Вагыйзова: «Миндә кимсенү хисе уятмадылар»

"Мине Аллаһ шулай матур итеп яраткан", - дип кенә язуымны сорады ул миннән. Чөнки, кайбер мәгълүмат чыганакларында кемдер аны "бәллүр кеше" дип бик үк дөрес булмаган мәгълүмат тараткан. Шунысын гына әйтә алам, ул тумыштан коляскада. Шуңа да карамастан аны күпләргә үрнәк итеп куярлык. Бизнеста да, иҗатта да, тормышны яратуы белән дә башкалардан аерылып тора ул. Кешеләрнең үзен кызгануын да өнәп бетерми. Әлеге үзенчәлекле Актаныш кызы белән тулы әңгәмә "Шәһри Чаллы"ның алдагы саннарында урын алачак.