Шəhри Чаллы

Коронавирус һәм БДИ. Быел имтиханнар ничек үтәчәк?

Расписание проекты буенча киләсе елда имтиханнар өч этапта узачак.

Россия Мәгариф министрлыгы коронавирус аркасында Бердәм дәүләт имтиханын һәм Төп дәүләт имтиханын күчерүне әлегә планлаштырмый. Бу хакта мәгариф министры Сергей Кравцовка сылтама белән ТАСС хәбәр итә.

«Әлегә бу вариант каралмый. Хәзер Бердәм дәүләт имтиханы һәм Төп дәүләт имтиханы уздыру өчен Мәгариф һәм фән өлкәсендә федераль күзәтчелек хезмәте белән бергә методик ярдәмлек әзерлибез. Ләкин, әлегә имтиханнар уздыру көннәрен күчерү турында фикер алышуга ихтыяҗ юк», — диде ул.

Расписание проекты буенча киләсе елда имтиханнар өч этапта узачак. Вакытыннан алда бирү этабы 22 марттан 16 апрельгә кадәр дәвам итәчәк. Төп этап — 24 майдан 1 июльгә кадәр булачак. 3-17 сентябрьдә имтиханнарны өстәмә рәвештә тапшырып булачак.

Төп дәүләт имтиханы тапшыру расписаниесе проекты түбәндәгечә: вакытыннан алда тапшыру 20 апрельдән 14 майга кадәр, төп этап 21 майдан 1 июльгә кадәр дәвам итәчәк, өстәмә этап 3-22 сентябрьдә булачак.

фото: https://toptver.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: