”Күңел”ләр волейбол турнирында призлы урын яулады

“Күңел” радиосы алып баручылары эфирда гына түгел, пляж уеннарында да үзләрен сынатмый.  Республиканың татар радиолары арасында узучы пляж волейболында алар икенче урынга лаек булды. 

Турнир Казанның спорт пляжында узды. Барлыгы 7 команда катнашты. 

Турнирның беренче һәм икенче этапларында “Күңел”ләр “Татар радиосы” һәм “Болгар радиосы”н 2:0 исәбе белән җиңсә, өченче этапта Мамадыш командасына бераз бирештеләр. Шунлыктан беренче урынга аз гына җитми калды. 

Беренчелекне Мамадыш районының “Нократ дулкыннары” командасы яулады. Өченче урында  – “Болгар радиосы” алып баручылары. 

Лилия Хәбибҗанова