Мэр Наил Мәһдиев: «Эшмәкәрләр санын арттырырга кирәк»

Бүген шәһәр Советы сессиясендә 2024 елга бюджетның үзгәртелгән параметрларын расларга тәкъдим ителде. Керемнәр - 17 млрд 688 млн 430 мең сум. Чыгымнар – 17 млрд 797 млн 852 мең сум. 

«Салым түләүчеләр санын арттыру өстендә эшләргә кирәк. ТОСЭРда 46 предприятие эшли. 2022 елда алар казнага 178 млн сум кертте. 2023 елда 179 млн сумга күбрәк. Уйлап карагыз әле, ике тапкырга күбрәк! ТОСЭР кирәкме-юкмы? Әлеге сорауга җавап ачык», – ди мэр. 

Шәһәр казнасын 35 процентын кече эшмәкәрләрдән җыелган салымнар тәшкил итә. Мэр аларның шәһәр бюджетында әһәмиятен ассызыклады. 

«Әлеге өлкәдә 90 меңнән артык кеше эшли. Чагыштыру өчен «КАМАЗ» заводында 30 мең кеше хезмәт куя. Күзаллагыз әле: өч «КАМАЗ» заводы кебек», – диде Наил Мәһдиев.