Пенсиягә кемнәр иртәрәк чыга ала?

Россия Халыклар дуслыгы университетының икътисад факультеты доценты Лариса Сорокина «Прайм» басмасына шул хакта сөйләгән. Аның сүзләренчә, мондый хокукка 42 ел иминият стажы булган ир-атлар һәм 37 елдан да ким булмаган иминият стажына ия хатын-кызлар дәгъва кыла ала.

Аларга картлык буенча иминият пенсиясе закон буенча күрсәтелгән пенсия яшенә җиткәнче 2 елга алданрак билгеләнергә мөмкин. Ләкин хатын-кыз - 55, ир-ат 60 яшен узган булырга тиеш.