Подсолнухи посёлогы тиздән газлы булачак?!

Подсолнухи күпбалалы гаиләләр посёлогында эшләр кайный. Биредә җәй башыннан бирле газ торбалары сузалар. Инде 18 урам әзер. Тагын 12 урам калып бара. 

Газ торбаларын сузу эшләре буенча прораб Ильшат Мингазов әйтүенчә, посёлокта 2 бригада хезмәт куя, 4 техника эшкә җигелгән. Хәзерге вакытта газ торбаларын Сосновая, Җиңүнең 70 еллыгы һәм Виктор Цой урамнарына кертү белән мәшгуль алар. 
“Эшләрнең кайчан тәмамланачагы әлегә билгеле түгел. Әмма куелган максатларны үтәп барабыз”, - дип белдерде прораб. Бөтен урамнарга торбалар сузылып беткәч кенә “Газпром Трансгаз Казан” Подсолнухи посёлогын зәңгәр ягулыкка тоташтырачак.