Рашат Фәйзерахманов – яңа вазифада

Чаллы мәдәниятендә билгеле шәхес Рашат Фәесхан улы Фәйзерахмановның яңа эш урыны билгеле булды. Чаллының балалар сәнгать мәктәбен, мәдәният идарәсен һәм Чаллы татар дәүләт драма театрын озак еллар җитәкләгән Рашат Фәйзерахманов соңгы елда Тукай районы мәдәният идарәсе башлыгы вазифасын башкарды. 
Бүген аның яңа эшкә күчүе мәгълүм булды. «Шәһри Чаллы» газетасы хәбәрчесенә ул эшчәнлеген Тукай районының мәктәптән тыш эшләр үзәге директоры булып дәвам итәчәген әйтте. 
Фото ачык чыганаклардан алынды.